صفات بنات الجامعة 0عمان0

أنا وماما زي الصاحبات، دايماً بحكيلها كل إشي،
ماما بتعرف عنك كل إشي شغل عرط وبس طبعا.

2. كلهم شقر وعينيهم‏ ‏لينسيز ملونة يخزي العين. تقول هاي رجعتهم من السويد. بتسألها بتحكيلك شو لينسيز؟ هدول عيوني الحئيئيين.

3. كلهم ببعتولك المسج التالي: اتصل فيي ما معي رصيد، وعندي امتحان مش آدره أروح أشتري بطائة.

4. لو سألتها عن أحلى سنين بحياتها رح تحكيلك: ما بين 19 و 23 وبتشرحلك كيف كانت حلوة ومجننة شباب الجامعة وكيف كلهم بركضوا وراها وهي ما كانت تعبرهم.

5. الشاطرة اللي بدها تقهر صاحباتها ... بترن عل 1234(رقم مجاني لشركة الموبايل في الأردن) وبتنزل عرط و تخويث على آآ حبيبي وشو حياتي و i miss u يا عمري و بشوفك يا baby

6. كلهم أخدوا رخصة السواقة بالواسطة....وأكيد هذا واضح من البريكات الخبط أو السرعة اللي ما بتتطلع عن 20, أو حزام الأمان اللي بروح ما ينمزع‏ ‏قد ما هو مشدود .

7. بالجامعة بتطلب ساندوش لبنه -دايماً لبنه- و إذا بدها تغير بتطلب منئوشة زعتر، والكولا دايت طبعا بس ترجع على البيت بتقوم بصدر المنسف لحالها، والله, بوكلونا على جوع !

8. إذا حاولت تمسك إيدها بعد شهرين صحبة بتسلخك كف بتعمي ضوك، ومش بعيد تبزق عليك قدام كل الجامعة، بس إذا لقيتها "صدفة" بعرس ابن خالة عم أمها، بتضلكوا على البست للصبح، وبتشبكوا على الدبكة وأعطيني هوارة أبو الحلاني .... ورووووح ... للصبح رقص سلوووو -على أساس فريندز طبعا-.

9. كلهم بابا بحبهم أكتر وحدة بين إخوانها ... وهي وبابا زي الصحاب وبابا بوخد رأيها بكل إشي.

10. أكره إشي عليهم يشوفوك بتحضر مباراة، بمعنى آخر أكتر إشي بكرهوا كرة القدم، إلا إذا المباراة فيها إيطاليا أو إنجلترا بتلاقيهم قعدوا وبسطوا يبصبصوا على إجرين مالديني وبيكهام بهاي معهم حق، يعني بصراحة مالديني منظر وحسونة الشيخ منظر.

11. مريحين بالهم وتنحصر اهتماماتهم في المواضيع التالية :
- روجيم: "لازم أنزل كمان خمسين كيلو"،
- حومرة وبودرة: "نزلوا حومرة جديدة بطعم الكيوي"،
- "أووولتك أسشور شعري ولا أعمله كيرلي"،
- الأكل: "ماما طبخت تشكن محشي تفاح",
- وما بتغدوا غير ستيك مشوي،وما بشربوا غير مي. طبعا مقضينها ملوخية وبامية وشوربة اجرين جاج

12. الفن: - ما أزكاه brad pitt، رايان شعره بجنن, شفتي أصالة ما أزنخها، مش ألتلك انه بشار بحب سلمى, شفتي صندل نانسي, أحمد الشريف أحلى واحد بالعالم، لون بشرة اليسا واااااااو, حضرتي كليب جاد شويري ما أفيعوا؟ مو معئولة هالشاكيرا!!! طبعا اشرطة متعب الصقار وحسين السلمان معبية الغرفة

13. كلهم ما بدخنوا...بس بابا سمحلهم يأرجلوا عادي ... طبعا الدخان نوع كريم او ريم مهرب

14. عندهم حالة تشابه غريبة: إذا واحدة عملت تاتو تاني يوم كل البنات تاتو، إذا واحدة حطت خلخال تاني يوم كل البنات خلخال، إذا وحده صبغت شعرها أخضر تاني يوم بتنزلك موضة الأخضر.... طبعا الصبغة دين على الدفتر

15. مواصفات حبيب القلب:
فايع وشعره طويل, معه سيارة حلوة, موبايله آخر موديل, يعزمها كل يوم ع كوفي شوب، وإذا بشبه توم كروز
بكون ممتاز.

16. بتكون أطفش من حكيها ما في وكلو "قال" و"غاد" و"انداري" و"بديش" و"بعرض اختك قرفانة" ... بالجامعة بتقلب "آآل" و"هوناك" و"مو عارفة" و .."thank u" و"كتييير زهئانة"وبحياة امك

17. دايماً شنتتهم مليانة أشياء زاكية، إذا جعت بتلاقي معاهم "السيف وي" بالشنتة
شبس، شوكلاتة، بسكوت, دروبس، علكة, سوس.



********************************



مفاهيم ربما تكون صعبة عليكم:-

- عرط: كذب
- تخويث: مزح
- تسلخك: تضربك
- فايع: شاقق الدني بصدره ومش هامه حدا
- اطفش: ادفش,اثقل
- غاد: هناك
- انداري:لا اعرف

شكرا علي الموضوع