ما الفارق بين المرآة السورية والمرآة الفلسطينيه؟؟؟؟؟؟؟

المساهمات : 542 تاريخ التسجيل : 07/08/2008 العمر : 37

ما الفارق بين المرأة السورية والمرأة الفلسطينية....؟؟

اذا وقع زوجها عن الدرج:

السوريه : ولي على آمتي، سلامتك حبيبي أنشاء الله ، انا ولا انتا ابن عمي ( ميته خوف عليه(

الفلسطينية : شو مالك دخت ؟؟؟ الله ما برمي الناس بحجار خطيتى الله لا يردك ( بتستناه يموت علشان تورث(

اذا الزوج بدو يسافر:

السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع بالف سلامه

الفلسطينية :أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد )

إذا الزوج تأخر بره فى شغل او مع صديق:

السورية : شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا ( يؤبرني دلع الشام(

الفلسطينية : شرّفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت(
(((لا تعليق(((

إذا طلبت شى منه :

السورية : إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.
الفلسطينية : إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى طخها حلال(

إذا جابلها هدية :

السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري
الفلسطينية : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن ( حسبي الله(

اذا بدك شي منها :

السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي
الفلسطينية : مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش فاضية، وللا أقلك اطلع من الدار حل عنى روح شوفلك >>شغله سويها، فقعت مرارتى من شغل البيت اففففف اففففف.

لو طلبت منها فنجان قهوة :

السورية : من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس )
الفلسطينية : بدك قهوة ؟ هي اخوانك مرميين فى الحوش روح اشرب معهم، وللا أقلك روح عنك امك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني من هالعيشة اللى بتقرف

((( كل هادا علشان فنجان قهوة ريتو سم ياشيخة (((

اذا حكالها (بدك شي؟) وهو طالع :

السورية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟

(((( بتكون غبى لو طلعت وتركتها ((((
الفلسطينية : لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ انشالله بتطوّل وبتخلّيني لحالي زي الهبله يـا هبله ، وللا أحكيلك، جيب معاك حفاظات للولد وإنت جاي.

الذوق والتنويع فى الاكل:

السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، ويمكن كمان شوش برك يعني سفرة عامرة من كلّه، والله لو ماعندها بقدونس راح تعملك تبولة هههههههههه

بيكفى انها راح تقعد جنبك وتفتح نفسك على الأكل،,,

بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.
الفلسطينية : لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح
اشتري، أو خلص الغاز في نص الطبخه، روح جيب غاز اذا بدك توكل. طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟
اليوم انكسرت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره. وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ

( يعني عاملة الغنايم ما شالله ) ... خليها تروح يمكن تنفتح نفسك وتاكل زي الخلق.

وسلامات بشولات وهاى بعد تجارب مريرة مع الواقع

ما الفارق بين المرآة السورية والمرآة الفلسطينيه؟؟؟؟؟؟؟ Photo-8fcc8a6d81

ما الفارق بين المرآة السورية والمرآة الفلسطينيه؟؟؟؟؟؟؟ Photo-8fcc8a6d81

المساهمات : 297 تاريخ التسجيل : 06/09/2008 العمر : 36

تحياتي لك العيون الساهرة
بس وين بدك تلف وتروح مراح تلاقي زي المراة الفلسطينية
الي زرعت العزة والشماخة طلعتي وحدة من العالم العربي زي
دلال المغربي وفاء ادريس وايات الاخرس ودارين ابو عيشة وغيرهم من الفدائيات

المساهمات : 395 تاريخ التسجيل : 13/08/2008

هههههههههههههههههههههههههههههههههه

يعطيك العافيه العيون الساهرة على الموضوع

ماراح تلاقى احسن من المراه الفلسطينه على رأى ابن يافا

تحياتى

المساهمات : 542 تاريخ التسجيل : 07/08/2008 العمر : 37

مشكورين على المرور

تحياتى الكم جميعا

ما الفارق بين المرآة السورية والمرآة الفلسطينيه؟؟؟؟؟؟؟ ZRa06263

المساهمات : 601 تاريخ التسجيل : 23/08/2008 العمر : 33

شكرا علي الموضوع الرائع

المساهمات : 47 تاريخ التسجيل : 18/09/2008

ههههههههههههههههههههه
حلو كتير الموضوع بيضحك والله
وفعلا لو بتلف العالم مابتلاقي متل المرأة الفلسطينية
كافي انها متحمله التعب والظروف الي بنكون عايشينهاوصابرة عالفاريت الي بيكونو عندها(ولادها-----
بعدين السورية لو جربت تعيش معنا بتطفش كككككككككككككك وانا بأيد ابن يافا براية تحياتي

المساهمات : 542 تاريخ التسجيل : 07/08/2008 العمر : 37

مشكورين على المرور الطيب

والمرأة الفلسطينية ما فى زيه

ما الفارق بين المرآة السورية والمرآة الفلسطينيه؟؟؟؟؟؟؟ 679928179